Für einen Besuch im Bogn Engiadina benötigen Sie als Gast (ab 16 Jahren) ein Covid-Zertifikat.

Informationen zum Schutzkonzept

Cultura da bogns antica.

Nos bogn roman-irlandais

Bogn Engiadina Römisch Irisches Bad Mineralsprudelbad
Aint il bogn roman-irlandais s'unischan ils effets agreabels da la cultura da bogns romana cun la tradiziun da bogns irlandaisa. Il ritual da wellness modern chi's basa sün rituals da bogn antics, schloccaja il corp, rinforza il sistem d'immunità e rinfrais-cha l'orma.

Recreaziun e detensiun

Pel bogn roman-irlandais stuvessan Ellas/Els as dar bun temp. Ün passagi düra nempe var 3.5 uras, fa però fich bain a corp ed orma e regenerescha sco ün pêr dis vacanzas. El stimulescha quaidamaing la circulaziun, pürifichescha il corp e rinforza il sistem d'immunità. Il chod ümid da la vapur penetrescha chafuol illas bronchias ed amegldrescha la circulaziun dal sang da la via respiratorica. Güst dürant la stagiun fraida, illa quala i capitan suvent dafraids, fa quai specialmaing bain.

Lur taimpel da wellness persunal

Pro mincha entrada salüdain nus consciaintamaing be a duos giasts e l'andamaint dal divertimaint da bogn roman-irlandais es coordinà uschè ch'Ellas/Els inscuntran be d'inrar ulteriurs visitadurs dürant Lur sogiuorn. Ellas/Els giodan pro nus dimena per uschè dir ün "spa privat" – be bler plü grond! 

Uras d'avertüra e tariffas

Il bogn roman-irlandais es avert mincha di. Ils termins libers vegnan Ellas/Els a savair dürant il process da reservaziun online o per telefon suot il nomer da telefon +41 81 861 26 00.

Portal online per l'annunzcha

Infuormaziun davart la revisiun prümavaira 2022

Ils detagls

Entradas singulas

Entrada singula, fin 3.5 uras
CHF 60.00
Entrada singula, fin 3.5 uras incl. carta dal di per la cuntrada da bogns e sauna
CHF 82.00

Abunamaints

Carta d'ün mez on sainza la cuntrada da bogns e sauna
CHF 660.00
Carta d'ün mez on incl. cuntrada da bogns e sauna
CHF 990.00
Carta annuala sainza la cuntrada da bogns e sauna
CHF 1190.00
Carta annuala incl. cuntrada da bogns e sauna
CHF 1780.00

Infuormaziuns importantas

  • Tuot il bogn roman-irlandais es üna zona per nudists e's drizza a persunas a partir da 18 ons.
  • Ch'Ellas/Els mainan cun sai Lur aigna roba da nodar. Ellas/Els survegnan al retschaivimaint dal bogn roman-irlandais üna toga (süaintamans da bogn) e s-charpas da bogn, ston però portar da la gardaroba fin pro'l retschaivimaint büschmainta da bogn o ün süaintamans da bogn.
  • Ch'Ellas/Els s'annunzchan almain 15 minuts avant il termin reservà a la chascha dal Bogn Engiadina.
  • In cas d'ün pajamaint cun ün bun sto gnir preschantà il bun original a la chascha.
  • Roba da nodar po eir gnir tutta a fit a la chascha cunter üna taxa ed ün deposit.
  • Reservaziuns sun pussiblas pel mais curraint sco eir pels prossems trais mais.
  • Per tuot l'implant vala ün scumond da fotografar e filmar.

L'andamaint es uschè

Il divertimaint da bogn cun richa tradiziun e salüdaivel Tillas/Tils maina sur 10 staziuns coordinadas üna cun tschella ad ün bainesser absolut. Lur organissem vain s-chodà planet, stimulà da süar e pürifichar, sfradantà darcheu quaidamaing e manà in üna detensiun profuonda. Intant ch'Ellas/Els giodan ün tè squisit, pon Ellas/Els metter sü crema da nossa loziun pel corp exclusiva e natürala, avant co cha nus Tillas/Tils plajain aint in süaintamans bain s-chodats in nossa zona da pos cun vista sül panorama muntagnard extraordinari. Per finir Tillas/Tils preschantain nus üna schelta preziusa da prodots regiunals exquisits.

Las 10 staziuns

Retschaivimaint
Nettiamaint dal corp
1. Bogn d'ajer chod
~ 54° C
2. Bogn d'ajer bugliaint
~ 70° C
3. Massascha tenor giavüsch
4. Bogn da vapur I
~ 38° C
5. Bogn da vapur II
~ 42° C
6. Bogn ad uondas mineral
~ 36° C, 13 m3, 26.5 m2, chafuolezza 57 cm
7. Bogn cumplain mineral
~ 33° C, 23 m3 , 29.5 m2, chafuolezza 131 cm
8. Bogn fraid
~ 18° C, 7 m3, 7.5 m2, chafuolezza 123 cm
9. Posa da tè e dar sü sü crema
10. Posar e schlockiar
Finischun

Massascha tenor giavüsch: Nossas trais applicaziuns

Mehr anzeigen
Bogn Engiadina Massage im Römisch-Irischen Bad

Massascha cun meil. Mez cumprovà per dischintoxicar

La massascha da meil ha sia derivanza illa medicina tibetana.

Mehr anzeigen
Mehr anzeigen
Bogn Engiadina Massage à l'aloe vera dans le bain romain-irlandais

Massascha cun crema da jogurt ed Aloe Vera. Sentimaint frais-ch grazcha a l'ümidità

Jogurt e Aloe Vera rinfrais-chan e regenereschan la pel.

Mehr anzeigen
Mehr anzeigen
Bogn Engiadina Seifen-Bürsten-Massage im Römisch-Irischen Bad

Massascha cun savun e barschun. Promouva la circulaziun dal sang

La massascha cun savun e barschun stimulescha la circulaziun.

Mehr anzeigen

Ch'Ellas/Els profitan da nossas reducziuns

Engadin Scuol Mobil Sommer
Bernina Express bei Serneus, Fotograf Andreas Badrutt
Mehr anzeigen

Engiadina Scuol Mobil Stà.

Lur bigliet da vacanzas multifari.

A partir da la prüma pernottaziun in ün hotel partenari o in ün'abitaziun da vacanzas partenaria survegnan Ellas/Els eir 20% rabat sün l'entrada illa cuntrada da bogns e sauna.
Mehr anzeigen
Mehr anzeigen

Spargnar cun RailAway.

Ch'Ellas/Els viagian cumadaivelmaing cul tren in Engiadina.

Ch'Ellas/Els profitan da diversas reducziuns per viagiar culs mezs da trafic publics.
Mehr anzeigen
Blick auf die Unterengadiner Berge im Herbst

Bainesser genuin.

Ils prodots da chüra exclusivs dal Bogn Engiadina.

In nossa butia online pon Ellas/Els postar ils prodots da chüra da la lingia Bainesser genuin.

 

Ir pro'l Shop dal Bogn Engiadina