Cultura da bogns antica.
Nos bogn roman-irlandais
Recreaziun e detensiun
Pel bogn roman-irlandais stuvessan Ellas/Els as dar bun temp. Ün passagi düra nempe var 3.5 uras, fa però fich bain a corp ed orma e regenerescha sco ün pêr dis vacanzas. El stimulescha quaidamaing la circulaziun, pürifichescha il corp e rinforza il sistem d'immunità. Il chod ümid da la vapur penetrescha chafuol illas bronchias ed amegldrescha la circulaziun dal sang da la via respiratorica. Güst dürant la stagiun fraida, illa quala i capitan suvent dafraids, fa quai specialmaing bain.
Lur taimpel da wellness persunal
Pro mincha entrada salüdain nus consciaintamaing be a duos giasts e l'andamaint dal divertimaint da bogn roman-irlandais es coordinà uschè ch'Ellas/Els inscuntran be d'inrar ulteriurs visitadurs dürant Lur sogiuorn. Ellas/Els giodan pro nus dimena per uschè dir ün «spa privat» – be bler plü grond!
Uras d'avertüra e tariffas
Il bogn roman-irlandais es avert mincha di. Ils termins libers vegnan Ellas/Els a savair dürant il process da reservaziun online o per telefon suot il nomer da telefon +41 81 861 26 00.
Reservaziuns sun pussiblas pel mais sco eir pels prossems trais mais.
Portal online per l'annunzcha
Entradas singulas
| Entrada singula, fin 3.5 uras | CHF 72.00 |
|---|---|
| Entrada singula, fin 3.5 uras incl. carta dal di per la cuntrada da bogns e sauna | CHF 96.00 |
Abunamaints
| Carta d'ün mez on sainza la cuntrada da bogns e sauna | CHF 790.00 |
|---|---|
| Carta d'ün mez on incl. cuntrada da bogns e sauna | CHF 1190.00 |
| Carta annuala sainza la cuntrada da bogns e sauna | CHF 1420.00 |
| Carta annuala incl. cuntrada da bogns e sauna | CHF 2140.00 |
Infuormaziuns importantas
- Tuot il bogn roman-irlandais es üna zona per nudists e's drizza a persunas a partir da 18 ons.
- Ch'Ellas/Els mainan cun sai Lur aigna roba da nodar. Ellas/Els survegnan al retschaivimaint dal bogn roman-irlandais üna toga (süaintamans da bogn) e s-charpas da bogn, ston però portar da la gardaroba fin pro'l retschaivimaint büschmainta da bogn o ün süaintamans da bogn.
- Ch'Ellas/Els s'annunzchan almain 15 minuts avant il termin reservà a la chascha dal Bogn Engiadina.
- In cas d'ün pajamaint cun ün bun sto gnir preschantà il bun original a la chascha.
- Roba da nodar po eir gnir tutta a fit a la chascha cunter üna taxa ed ün deposit.
- Per tuot l'implant vala ün scumond da fotografar e filmar.
L'andamaint es uschè
Il divertimaint da bogn cun richa tradiziun e salüdaivel Tillas/Tils maina sur 10 staziuns coordinadas üna cun tschella ad ün bainesser absolut. Lur organissem vain s-chodà planet, stimulà da süar e pürifichar, sfradantà darcheu quaidamaing e manà in üna detensiun profuonda. Intant ch'Ellas/Els giodan ün tè squisit, pon Ellas/Els metter sü crema da nossa loziun pel corp exclusiva e natürala, avant co cha nus Tillas/Tils plajain aint in süaintamans bain s-chodats in nossa zona da pos cun vista sül panorama muntagnard extraordinari. Ed a la fin daja amo üna pitschna surpraisa, avant cha pigliain cumgià dad Els.
Las 10 staziuns
| Retschaivimaint | |
|---|---|
| Nettiamaint dal corp | |
| 1. Bogn d'ajer chod | ~ 54° C |
| 2. Bogn d'ajer bugliaint | ~ 70° C |
| 3. Massascha tenor giavüsch | |
| 4. Bogn da vapur I | ~ 38° C |
| 5. Bogn da vapur II | ~ 42° C |
| 6. Bogn ad uondas mineral | ~ 36° C, 13 m3, 26.5 m2, chafuolezza 57 cm |
| 7. Bogn cumplain mineral | ~ 33° C, 23 m3 , 29.5 m2, chafuolezza 131 cm |
| 8. Bogn fraid | ~ 16° C, 7 m3, 7.5 m2, chafuolezza 123 cm |
| 9. Posa da tè e dar sü sü crema | |
| 10. Posar e schlockiar | |
| Finischun |
Massascha tenor giavüsch: Nossas trais applicaziuns
Bainesser genuin.
Ils prodots da chüra exclusivs dal Bogn Engiadina.
In nossa butia online pon Ellas/Els postar ils prodots da chüra da la lingia Bainesser genuin.