Relaziuns paradisicas.
Nossa cuntrada da sauna
Ch'Ellas/Els tschernan tanter ün bogn da vapur, üna sauna da bognada (Aufguss), al chamin, panoramica o sauna cun bogn chod. Chi chi ha plü gugent fraid o bletsch, quel stuvess in mincha cas provar oura il batschigl da palombar, la paraid da cascadas, la grotta da duschas o il batschigl d'aua fraida – però attenziun: scha nus dschain fraid, lura maniain nus eir fraid! Tanter e davo las singulas visitas illa sauna racumandain nus nossa chasa da pos cun vista panoramica, il prà per star a sulai e'l piertan. Qua pon Ellas/Els insajar aua minerala da differentas funtanas indigenas. Badan Ellas/Els la differenza?
Infuormaziuns importantas
- Tuot la cuntrada da sauna es üna zona per nudists e's drizza a persunas a partir da 18 ons.
- Per uffants fin 18 ons accumpagnats dals genituors valan uras d'entrada specialas.
- In tuot la cuntrada da sauna nun esa permiss da fotografar e filmar.
Il Bogn Engiadina es avert tuot on
Qua chattan Ellas/Els infuormaziuns davart ils predschs d'entrada
Nossa spüerta da sauna per Ellas/Els
| Sauna da bognada (Aufguss) | ~ 90°C |
|---|---|
| Sauna al chamin cun fö avert | ~ 85°C |
| Sauna panoramica cun bognada automatica | ~ 80°C |
| Bogn da vapur | ~ 42°C, 100 % ümidità da l'ajer |
| Sauna cun bogn chod | ~ 60°C, 60 % ümidità da l'ajer |
| Batschigl exteriur | 15 bis 25°C, tuot tenor stagiun – 26.5 m2 – 33 m3 – chafuolezza 123 cm |
| Batschigl interiur | ~ 16°C – 4.5 m2 – 4 m3 – chafuolezza 120 cm |
| Prà avert per star a sulai cun vista panoramica | |
| Local da pos sül plan sura | |
| Chasa da pos cun vista panoramica | |
| Paraid da cascadas e via da duschas | |
| Piertan cun duos bügls d'aua minerala | Funtanas: Sotsass und Vi |
| Isla d'inscunter |
Lur opiniun es importanta per nus!
L’Associaziun da bogns da cura e chasas da cura da la Svizra (HKS) ha sviluppà üna retschercha da giasts in collavuraziun cun la Scoula ota da Lucerna per seis commembers, uschè eir pel Bogn Engiadina Scuol.
Nus Tilla/Til lessan interrogar davart Seis sogiuorn pro nus i’l Bogn Engiadina Scuol e quai ans fess plaschair sch’Ella/El pigliess ils 10 minuts temp per respuonder a las dumondas. Ella/El po in quist connex eir as partecipar ad üna concurrenza cun premis. Grazcha fich!
Retschercha da giasts
Nouv aint il Bogn Engiadina Scuol
Sopcha da massascha Vitualizer Luxury
Il Vitalizer Luxury es gnü sviluppà in stretta collavuraziun cun meidis, quai per satisfar als standards da sandà ils plü ots. Id es ün prodot innovativ chi surleivgia mals quotidians sco stress, mal la rain e tensiuns. Ellas/Els pon squintar la massascha cumadaivelmaing cun lur bratschlet da chip. Ellas/Els pon tscherner tanter ses differents programs. 15 minuts cuostan CHF 15.00.
Bainesser genuin.
Ils prodots da chüra exclusivs dal Bogn Engiadina.
In nossa butia online pon Ellas/Els postar ils prodots da chüra da la lingia Bainesser genuin.