Relaziuns paradisicas.
Nossa cuntrada da sauna
Sco aint il paradis – uschè as saintan Ellas/Els cur ch'Ellas/Els giodan nossa cuntrada da sauna.
Ch'Ellas/Els tschernan tanter ün bogn da vapur, üna sauna da bognada (Aufguss), al chamin, panoramica o sauna cun bogn chod. Chi chi ha plü gugent fraid o bletsch, quel stuvess in mincha cas provar oura il batschigl da palombar, la paraid da cascadas, la grotta da duschas o il batschigl d'aua fraida – però attenziun: scha nus dschain fraid, lura maniain nus eir fraid! Tanter e davo las singulas visitas illa sauna racumandain nus nossa chasa da pos cun vista panoramica, il prà per star a sulai e'l piertan. Qua pon Ellas/Els insajar aua minerala da differentas funtanas indigenas. Badan Ellas/Els la differenza?
Infuormaziuns importantas
- Tuot la cuntrada da sauna es üna zona per nudists e's drizza a persunas a partir da 18 ons.
- Per uffants fin 18 ons accumpagnats dals genituors valan uras d'entrada specialas.
- In tuot la cuntrada da sauna nun esa permiss da fotografar e filmar.
Il Bogn Engiadina es avert tuot on
Qua chattan Ellas/Els infuormaziuns davart ils predschs d'entrada
Nossa spüerta da sauna per Ellas/Els
| Sauna da bognada (Aufguss) | ~ 90°C |
|---|---|
| Sauna al chamin cun fö avert | ~ 85°C |
| Sauna panoramica cun bognada automatica | ~ 80°C |
| Bogn da vapur | ~ 42°C, 100 % ümidità da l'ajer |
| Sauna cun bogn chod | ~ 60°C, 60 % ümidità da l'ajer |
| Batschigl exteriur | 15 bis 25°C, tuot tenor stagiun – 26.5 m2 – 33 m3 – chafuolezza 123 cm |
| Batschigl interiur | ~ 16°C – 4.5 m2 – 4 m3 – chafuolezza 120 cm |
| Prà avert per star a sulai cun vista panoramica | |
| Local da pos sül plan sura | |
| Chasa da pos cun vista panoramica | |
| Paraid da cascadas e via da duschas | |
| Piertan cun duos bügls d'aua minerala | Funtanas: Sotsass und Vi |
| Isla d'inscunter |
